Deputetja nga Partia Demokratike e Kosovës, Blerta Deliu- Kodra, ka thënë se, deputetët serbë të udhëhequr nga nënkryetarja e Kuvendit të Serbisë, Snezhana Paunoviq, kanë lëshuar konferencën rajonale në Petrovac të Malit të Zi.

Deliu-Kodra, shkruan se deputetët serbë janë larguar pas fjalimeve të delegacioneve tona nga Kosova, Shqipëria dhe Bosnja e Hercegovina.

Ajo ka shkruar se nuk kanë thënë asgjë që nuk dihet, sipas saj Serbia është faktor destabilizues në rajon dhe se ajo duhet të marrë përgjegjësi për sulmin terrorist në Banjskë, ku mbeti i vrarë polici Afrim Bunjaku

“Këtë të vërtetë, por edhe shumë të tjera që ndërlidhin direkt presidentin Aleksandër Vuçiq, do t’ua themi në çdo takim të mundshëm. Derisa Serbia po ballafaqohet me të kaluarën e saj kriminale, siç ishte rezoluta e OKB-së për gjenocid në Srebrenicë, Kosova do të vazhdojë në rrugën e saj të paalternativë për anëtarësim në BE dhe NATO”, ka shkruar ajo në Facebook./Arbresh.info/